قصيدة بعنوان عمالة
بقلم خراط الكلمات اشرف رمسيس
عمالة تديقى قبالى
وبنادى على أيوب
ارجوك ايوب تعلالى
تعلالى وصبر حالى
على بلدى ويا إخواتى
على اهلى ويا جيرانى
دا الواطى حلف ميطاطى
والشعب حزين بيعانى
وضماير ويا الموت
وضمير بيموت بالعانى
والخوف مسجون فى سكوت
يتكلم وملوش صوط
فى سكوته تلقى معانى
ويا ناس ليه نخاف من الموت
ونعيشوا من غير صوت
كده كده زى الاموات
عيشنها موت فى سكوت
بتصدقوا ليه الاوهام
دحنا كلنا هنموت
عيشنها حلال فى حرام
ونقول من اجل القوت
بالذمة دا إسمه كلام
وإذاى الأذمة تفوت
لما التاجر يتجاشع
وننادى ومفيش سامع
رجل الأعمال الشاطر
يسرقنا ومفيش مانع
يمشى والسبحة فى إيدو
على طول تلقاه فى الجامع
وولادنا يبقوا عبيدوا
وبلادنا تبقى بلادو
ودموعنا تبقى حبيسة
خايفة تنزل فى المركب
والمركب تغرق بينا
والموج عمال بيقلب
ويدور بالمركب يغلب
وطريقنا دا ملوش مينا
وسفينة شعب حزينة
خايفة تغرق والواقع
وبقولها ومانيش راجع
احنا بنغرق بعض
لما بنخالف الوعد
ونخون يا بلدنا العهد
يبقى هنغرق مع بعض
الرئيسية 
