(واللا ما تستهلى). بقلم / الشاعر : محمد الشاذلي

(واللا ما تستهلى). ٢٧/ نوفمبر/٢٠١٦
**************
واللا ما تستهلى... مشاعرى
دى خسارة فيكى
حب ووهبت معاه....عمرى
كان بين إيديكى
وملكتى قلبى معاه...فكرى
وكان شاريكى
واللا ما تستهلى ...مشاعرى
دى خسارة فيكى
خدتى وملكتى
وف لحظه خنتى
وانتى اللى بعتى
ولما خنتى
ف اللحظه هونتى
مبقتش ليكى
واللا ما تستهلى ....مشاعرى
دى خسارة فيكى
قلبى ورجعلى
وخلاص سامع لى
مبقاش معاكى
مبقاش يحن
من طول ما أن
نساه هواكى
ابدا ما ينفع
ندمك ما يشفع
ما خلاص نسيكى
واللا ما تستهلى.... .مشاعرى
دى خسارة فيكى
راجعه ليه وطالبه ...السماح
طب إيه اللى خلاكى تخونى
راجعه تقولى انسى اللى راح
طب و اللى كان سببه.. انينى
انين ف قلب يا ريت ما حب
يا ريت ما كنت سلمته ليكى
واللا ما تستهلى... مشاعرى
دى خسارة فيكى
بقلم الشاعر/محمد الشاذلى

» صبرا آل صهيون بقلم / الشاعر خلف محمد أبو عويضة
» الشيخ الشاعر شاعر البادية : الشاعر محمد بن عبد المطلب
» الشاعر محمد عبد المطلب
» لا تك جا فيا بقلم الشاعر / سيد يوسف مرسى |
» حلم قلم :: شعر : المهندس الشاعر باسم محمد