حرك فرشتك ( قصيدة عامية )

         حرك فرشتك
حرك فرشتك بين صوابعك
            وخُط
ضي صورة فوق الطريق
          و تِحُط
وخلي القدم فوق الحصى
            سيال
إياك تنام وتقول الزمن
          أجيال
كل خيط غزل ليه صنعته
وكل نول ليه في البشر نوال
القلب ليه مشروب وله طلب
وقلب المحب ليه أحوال
إياك تشخبط فوق الورق
وتحط العرق ألوان
الغدر ساهل عند الكلاب
والندل خيمته بلا ركايز
خاليه السند ماليها أحبال
ماتت فينا بنات الشهامة
وبنات الحريم في الدروب بسنان
الكل نفض ودانه ما عاد يسمع
والحق بات خفي ما يقدر يبان
أنصب في ضهرك جايز تشوف
ابن العبيطة عايش ف دنيته سكران
والخلق في الحانه مازال يرقص
أياك تكون ....
               و هيمان ... وعجبي
بقلم : سيد يوسف مرسي

» أنا كلمة (قصيدة عامية )
» نفسك تعرف (قصيدة عامية )
» زوزو الحلوه // قصيدة عامية
» ليه التنمر // هجائية عامية
» ....احكايتي مع الشمعة ..... عامية // محمد مهداوي