أنا سواق /لسيد يوسف مرسى

أنا سواق
(لسيد يوسف مرسى )
أنا سواق الست الهانم
كل ما أمشى ألاقى أوامر
واكل ؛؛؛؛؛؛؛؛ شارب
طالع ؛؛؛؛؛؛؛؛  نازل
بس الأمر حداها شديد
عينك تغمض أويسهى عليك
يبقى لسانها فيك كرابيج
تركب ضهرك ركب حمار
ماسك لجامك وامحوطاك
أنت أسير الفقر يا واد
يجى العيد ويعدى ويمشى
وانت حبيس الحاجة ياكبدى
كل الناس بتشوف بعضيها
أما مراتك مين يراعيها
تزرف دمع يا كبدى عليها
تنس مراتك أم عيالك
حتى الشوفه  ليها تصريح
رحت ف داهية لو مريت
جنب البيت ونادت عليك
تاكل جلدك واتحميك
كام كرباج يمسو عليك
أو مشوار يهد الحيل
ترسم خطة تهد جبال
وانت ياعينى ما قادر تنام
فين أصحابك فين احبابك
يا مرى عليك
فروا بعيد ليكونو زييك
يا سواق الست الهانم
عايز تمشى بدون أوامر
يابن الإيه
انت عبيط مش قادر تفهم
إن الهانهم بت هواها
فاجر قادر مش قديها
مين يشكمها مين يحكمها
حتى البيه ساب البيت
غمض عينه وترك وهجرها
عايز تمشى وتهرب منها
يا سواق الست الهانم
رسمت صورتك جوه نظرها
وخاطت ثوب فى ركن دولابها
وأنت الصيد ف طى شبكها
فتح عينك وشوف أحوالها
وشوفلك وادى وابعد عنها
ربى عيالك وأنسى جمالها
أنت الجانى يابن الإيه

جميلة جدا  وممتعة


كل الشكر