قصيدة بعنوان اشواق بقلم خراط الكلمات اشرف رمسيس

قصيدة بعنوان
اشواق
بقلم خراط الكلمات اشرف رمسيس
لما بشتاقلك حبيبى بفضل افكر
وأما أفكر يا حبيبى اشتاقلك أكتر
رحت فين وغبت عنى وانا عليك غلبت ادور
يا حبيبى يا حتى منى كل يوم عينى بتسهر
كل شوقى ليك قاتلنى بس انا معرفش اعبر
تعال شوف حالى السعادى
كل نور مبقاش ينور
كل ايامى ألام وراضى
وبقول قسمة ومقدر
معرفش أعبر بالكلام
اوحتى اصرخ م الالام
كل الكلام مبقاش يعبر
كلمة هقولها والسلام
الشوق ألام لو قلنا فيه كل الكلام
ميحسهوش إلا إللى طب وقلبو حب والسلام
الشوق هموم تملى فى حالة هجوم
كلو أهات وفى السما نعد النجوم
نتمنى يجمعنا قدر من غير غيوم
وتبقى نهاية الملحمة انتى وانا
مع بعض دوم
نبقى فى جزيرة لوحدنا
نفرش حصيرة تلمنا من غير هموم
ان جوعنا يوم فى عشنا
حبنا يقدر يصوم يكفينا نحضن بعضنا
بكل الدنيا وما فيها بحجم الكون