افتكرني يا ابني

افتكرني 

افتكرني يا ابني لما أكبر 

أنا عشت شمعه ليك تقيد

افتكرني

 لما كنت ليك بأرسم 

فجر صاحي ويوم جديد 

افتكرني 

كل طلعة شمس صاحيه 

وأصيح واكبر مثل ديك 

كنت حبي ونور عينيه 

 ولما اشوفك يبقى عيد 

افتكرني 

لما كنت جو قلبي 

صوره حلوه وبيك نشيد 

خلي صورتي جو عينك 

وجو قلبك وليا جيد 

خلي فرحتي بيك طويله 

لا تفارقنا ولا تروح بعيد 

أسأل نجوم الليل تقلك 

والسرير تحتي يعارك 

أهدي فيه واخشى يميد

أنت عارف إيه أبوه ؟

وإيه يكون معنى وليد 

خلي شوقي تحت ضلعي 

وحنيني يظل صافي 

بس ما يروحله صديد 

اللي ربى يا ابني له حكايه 

والأصيل يفضل مجيد 

واللي شال همك وشاقى 

واللي سافر وراح بعيد 

إيه جزاء الفضل يا ابني ؟

تكون وافي وليك رصيد

بدي اشوفك في العلالي 

ولا تبكي عيني من عنيد 

القعاد جنبك في شوقي 

وكلامي ليك يا ابني مفيد

أوعى يا ابني الضلمة تاخدك

دا الظلام بصره رميد 

قلبي نازل يدق طبله 

بدي أنام وأنت الرصيد 

الصبر عجز تحت ضلعي 

والطريق عايزه الرفيد 

لهفتي يا ابني لهفة أبوه

وحيكون فراقك موت أكيد 

[قلم : سيد يوسف مرسي الجهني ]