ما بيدي ولا بخاطري

ما بيدي
ولا بيدي أعيش في الدنيا هيام 
ولا. أقعد تحت الحيطه وافكر 
وأنادي الحظ الغائب وأنا سرحان 

ما بيدي ألاقي أقدامي بتجري 
والفاس على كتفي  يلالي 
وقليبي يعيش شقيان 

ما بيدي أكون كطحونه
بتدور الفاضي وحمارها يهق 
وعايش تعبان 

ما بيدي أكون الكبري 
وأحضن في الصبر في صدري 
والمر  مراضي  يولي 
 ويقولي بكره أجييك ريحان 

ما بيدي يخدني خيالي 
وانجر وراه وانا أجري
ويقولي الأمل هناك مستني 
وإن كنت مكدب أسال 
حتلاقي الحظ ميزان 

جايز الحظ كان ناسي 
مر عليك وكان زعلان 

ما اخترت أكون في العالي 
ولا أركب قطر الدنيا 
أنا بدي أكون إنسان

احساسي دايما ماشي 
ووخدني فوق كراسي 
وانا نازل أدور والف 
وخايف الحس جواي يروح 
وانا عارف إان حلاوة الدنيا قناعه

كان بدي دفاتري تكون مقفوله
واعصر على الفقر لمونه
واعيش في الدنيا انسان 


بقلم :سيد يوسف مرسي