السوهاجي ... السوهاجية

السوهاجية
السوهاجيه ....السوهاجيه

حلوه جدا في الجلبيه 
بنت ابوها وساتره ناسها 
ست بيت تقرى ودارسه
وان مشت تمشي عاديه 
جامده جدا مش طريه 
بنطلونها مش محزق 
والقميص مش ممزق 
والكلام فيها منسق 
والقعاد  ليها مبستك 
ليها خطوة جندي ماشي 
دربوه في العسكرية 
ليه تسيب السوهاجيه ؟
بنت ناس ومش هفيه
زكيه جدا مش غبيه 
ليه تروح تمشي بعيد 
من غير شباك أو طريق 
وتعدي بحر بعد بحر
خائف تموت كيف الغريق؟
بدك تصيد في العكار
وبتدي بنتك للعبيط  
ابن عمك يبقى أولى 
وابن خالتك مش علولا 
وابن جارك قد يفيد
استر بناتك جنب راسك 
أوعى تخشى من القريب
مش ضروري قائمه عاليه 
أو مهر عالي كالغريب 
والعشا موضه قديمة 
والقعات فيها رذيله 
واللي حابك يجي عندك 
التهاني والسرور والفضيلة
السوهاجيه..... السوهاجيه
خد كلامي بمفهومه 
أحلى ناس في الدنيا ديه
من السودان الاسكندريه
أهل جد مش فنطزيه 
من طباعهم الروجله 
والشهامه من غير أذيه 
والمعنظز ليه طريقه 
وان سأبوه شال الصينيه 
ما يحبوا يمشوا في العفونه
والكلام له ميزان 
أوعى تشطح يا فلان 
علمونا نكون جبال 
فوق رؤوس الخلق نمشي 
بالتواصل يا سوهاجيه
بقلم :سيد الجهني