بص بعينك تسلم

بص بعينك 
بص بعينك وحكم عقلك 
أوعى تغرك دنيا وبطنك
خلي الدنيا وراك بتجرى
اديها ضهرك وعدي الكبري 
إياك تاخدك عند الهيش
وتبقى فريسه وش مفيش 
كم من غيرك قالوا نعيش
دنيا وعميه. وخاليه الريش
لما بتضحك ضحكها سم 
زي العقرب ديلها يسل 
ولما بترقص تغري النايم 
والعطشان يقولها ذم 
كأنها زمزم ورائحة يحج
لما بترقص رقصها يعجب 
أبو راس قرعه وخصره الناشف
عمر الدنيا ما صدقت يا ابني 
دائما تكدب وتجري تملي 
بحرها مالح وشها كالح
وان ضحكتلك ليها في الطالح 
عشت أقولك سيب أمبارح 
وانت حياتك بنيتها بغش 
خد من الدنيا دروس وسجل 
وكل ما تقعد زين وعبر 
وخلي ميزانك دايما قائم 
أوزن بيه أكياسك وقدر 
أصل الدنيا يا صاحبي عبيطة 
واللي حاببها عايش الزيطه 
بص بعينك وحكم عقلك 
تمشي سليم وتعدي الكبري 
*********