حزنك يا قلبي / شعر : ماهر البساطي

علي قد حزنك ياقلبي
علي قد دمعك ياعيني
لفراق أغلي حبايبي
اللي لُه كل حنيني
إشتياقي أكبر وأكبر
من العالم والدنيا أكتر
من حُزني ودمع عيني..
رغم مرور الليالي
رغم مرور السنين
أكبر من ده إشتياقي
وف قلبي لُه الحنين..
خليني مره سهيت
مع صورته العالم نسيت
تلائيني في خوف ورعشه
حبيبي أنا لُه حنيت..
بحلم في منامي يجيني
أشوفه واطمن عليه
حبيبي وصاحبي واخويا
نفسي أحضن إديه..
ماهر البساطي..