ذابت ذكرياتي // بقلم : محمود بكر شلطف

ذابت ذكرياتي....محمودبكرشلطف
مريت على صفحتك
علي اتنسم شوفه صورتك
اطمني بيها نفسي
واشم ريحتك من بعيد
اصبر نفسي
واسترجع ذكريات السنين
ابكي على اﻻطﻻل
اقراء بين السطور
في الرمال الجرداء
وعلى ظهرالصخور
على شجره يابسه
وجناح طير مكسور
عباره قلتيها من سنسن
وشاهد عليها...صبري ...وهرمي
وشيب راسي
انت ياضي عيني
ومالك قلبي الحزين
الملمها ..حرف حرف
وافضل اضحك من كل قلبي
اقول ارجع ياعمري من جديد
فتحت الصفحه
مكتوب عليها
غادرت من سنين
ورحت مع هبوب الريح
صرت ادور
ممكن قريت الخبر بالمقلوب
فتحت مستودع اسراري
قلبي الحزين
ذبل واصبح عباره
عن ذكريات
مطويه في الليل
صرخت ...اه منك
ياقلبي ياهزيل
مش حافظ غير كلمه وحده
تسيل مع دمك بحنيه
تحيي جسدي الضعيف
احبك...يانور عيني
والله يشهد
على ليلي الطويل
انك انت الحبيب
ومافيش غيرك حبيب
قلت اكتب
واكتب واكتب
عن هموم السنين
لقيت الهم يقتل
والفرح في الشوارع والصحاري
وصخره كانت هي دفتري
وذكرياتي
ذابت ذوبان الثلج
ومسحت ماضي عمري
وطارت مع هبوب الريح
وبقيتي حبيبتي ذكرى
تراود خيالي
حتى يوم مماتي
وستبقي انت حياتي
في عالمي الجديد
محمودبكرشلطف