(عايز تحكي )
بدك تحكي معايا مــــــباح
واللي تقوله يا عم سماح
نشوف حالنا ونرسم صورة
بس الصورة تبقى صلاح
*****
متفقين على إن الــــــــدنيا
مهما إن راحت
مهما إن جات
فيها شطــاح
*****
حملها مايـــل مش بجامل
ولما بتدي ليها عمــــــايل
والغلبان عايـــــش سواح
*****
أحكي حكايتك وقصر فيها
واوجز قولك هات معانيها
وطلع نفسك وانت مريح
جايز تبقى نهايتك فيــــها
*****
مال براسه ودغر بعنيه
كأنه عرفني إني وعيله
هز أكتافه وكــــمم بوقه
وراح يرتب شيء بعينه
*****
لف دماغه لف رحاية
وأول منطق قال : يا شقايا
قلت : كفاية ، كفاية
دا أنت جناية
قبل ما تحكي درت رحاية
أقفل خشمك ( 1) وهدي أنفاسك
قبل الدنيا ما تاخـــد فاسك
وقوي عزيمتك وأترك ناسك
وإن سألوك عن عملة
نفض جيبك وافشي إفلاسك
وإن سألوك عن مخزونك
حط هدومك جو اكياسك
قوم واتحرك وشوف كراسك
وحط في قدمك نعل مداسك (2)
وأكتب فكرة في عين كشكولك
واكتب تحتها أخوك الراسل
*****
قبل ما تنسى أذكر ربك
واقرى الفاتحة على روح ناسك
لحظة وجات
*****
روح لمشعوذ وقاري الكف
ينضف بيتك من غير كنس
وبيها بلاها تشوف خناسك
دنيا وفانية ولابسه لباسك
حتى الضُعْضُف (3) بقى حراسك
والدبان (4)عسكر على راسك
جاتك نيله يا واكل ناسك
عايش ف صحرة وناسي سلاحك
وعايز تحكي وناسي خراسك
روح وروح وبلاش تلكيك
عند مشكلة روح للديك
واللي محلش
روح لمراته جايز تقبل
وتكون واسطة لسيدك الديك
ما أحنا ابقينا في زمن الهيك
__________________________
_________بقلمي // سيد يوسف مرسي ______________________
(1) الدبان ( الذباب)
(2) خشمك (فمك )
(3) مداسك ( حذاءك
(4) الضعضف ( الضفدع)
الرئيسية 
