Admin
صاحب المنتدى
تاريخ الميلاد : 31/12/1957
العمر : 62
تاريخ التسجيل : 22/11/2013
عدد المساهمات : 542
مدينتك : سوهاج / مصر
العمل : في مجال الهندسه
المزاج : الشعر والأدب والتاريخ والدين واللغه العربيه
 | | موضوع: ....احكايتي مع الشمعة ..... عامية // محمد مهداوي الجمعة فبراير 24, 2017 2:31 pm | |
| ....احكايتي مع الشمعة ..... عامية
يا الشمعة احكيتلك ما بِيَ
من اهموم ،اعلاش ما حنيتي اعليَّ
ضَويتي ليلي بانوارك الذهبيه
أو مَسَوَّلتي آش اجرا لِيَ
سَمعي قَصتي يا الزغبيه
حَلِّي وَذْنيك واصغَاي لِيَ
راه قلبي اعمر حتى فاضت الصَّطليَّه
دَمراتو ارعود أو رياح اقوية
لۤحمَل اثقال اعلي يا بنت القمريه
ابغيت نَحكيلك أسراري يا الحورية
القيتك مَهمومه ف الركنة منسيه
ادموعك سَايله ف الصباح والعصريه
آش بك ،راني انسيت اهمومي
لَمّا شَفت ما بِك مَنْ اجراح اقويه
أجي نَتْباكاو راه يَمكن اقلوبنا
تَتفاجا ،أوتَرجع لينا البسمة المجليه
معمرو تحكم على الوجه الزين ب حسن النيه
راه يمكن الرعود والبروق اللي اتخوفنا
ترزقنا اشْتا ،ۤتسقي الأرض البوريه
أو الدخان اللي يعمي عينينا
يمكن نارو ادَّفينا وَقت الفجريه
أو الشَّوك اللِّي انت تَحتاقرو
يَمكن فْ حَضنو وَرد اجميل ،ليك اهديه
ادموعك وادموعي إلى سالو ويدان
يَمكن نَصنعو مَركب نَقطعُو بِه
هاذ الزوبعة البحريه...
وانْعيشو هَانيين فْ شِي جَزيرة وَرديه
محمد مهداوي | |
|
