هو إيه // شعر : ماهر البساطي

* هو إيه *
----------
جاي بيقولي سامحني
تعالي ارجع وعاتبني
قلبه لسه فاكرني
مش عارف هو إيه..!!
هو النار وجحيمه
هو الخوف وطريقه
هو اللي ادي لقلبي
أكبر جرح في عمره....
حبيته حب جنوني
شيلته جوه عيوني
ماشكيت واديته قلبي
وسبني لوحدي أبكي
آتاريه.. كان بينسي..
حب قديم وفات
شاف فيا الذكريات
وقاللي.. آصل انت زيه..
وراجع يقولي سامح
آنا عارف كنت جارح
قلبه لسه فاكر
مش عارف هو إيه..!!
لاهمه كرامه متهانه
ولا جرح يسيبلي علامه
ولا قّدر جرحه فيا
ولا حتي دمع عنيا
ياللا يا ألف ندامه
ياللا مع السلامه
شاف الدموع في عيوني
ونظراته بيجرحوني
آيوه يا ناس لوموني
خلوني آفوق شويه..
وراجع يقولي سامح
آنا عارف كنت جارح
قلبه لسه فاكر
مش عارف هو إيه..!!
ماهر البساطي..
23/6/2005

» هي أمي * شعر ماهر البساطي
» من صغر سني // شعر :: ماهر البساطي
» حكايتي فين // شعر ماهر البساطي
» على الهامش // شعر : ماهر البساطي
» [ لا تهتم بأمري ] شعر : ماهر البساطي