سوق الحمير

سوق الحمير
قلت دلوني علي السوق
بدى أشتري حماره
في قلبها شدة وعندها جسارة
لا يكون التمن باهظ
ولا أشتري بخسارة
رحت سوق الحمير
قلبت عيني يمين وشمال
لقيت كل الحمير تعبانة
قلت بلاش سوق البغال جنبي
جايز يضرب الحظ
واشتري بغل بحماره
درت بين البغال
حاطط ايدي أقلب ضهورهم
بين عالي وبين واطي
وما فيه عندي جسارة
جابو لي بغل منحوس
كسر ضهره شيل الحجارة
تقل الحمول وراه الويل
ماشي هزيل بعصاية
قلت أبعدوه عني كفاية
لا عايز أشتري بغل
ولا ريح أركب بعدها حماره
مشيت لبعيد
أنظر بعيني اللي أشتري
واللي باع واللي عبا الفلوس
في شكــــــــــــــــارة
واللي حلف بالطلاق من مراته
إنه بغـــــــــــــــله فرس
لكن الكيد بدلــــــــــــه
وخلاه علي دا الحالة
شلت همي
وطلعت بره السوق بلوش
لا بيع ولا شري ولا في بضاعة
ضربت إيدي علي أجنابي
أشوف محفظتي ضاعت
ولا لسه قاعدة في حصانة
لقيت الجيب خالي
واللي سرقها خدها بصنعة لطافة
صرخت بالعزم وانا بلطم خدودي
المحفظة ضاعت يا أهل الشفاعة
واجمع الخلق بين شامت وناكر
وواحد من أهل الصناعة
تبسم وراح يوشوشني
ويقول عليه العوض
ومنه العوض
كان ممكن تباع وتبقي بضاعة
جايز يقطعوا رجلك
أو ياخدوا الكلاوي والقلب
بس حظك كبير
جسمك كان فيه مناعة
شدني الخوف واطلعت أجري
أشوف الطريق
وأحلف طول عمري
ما أشتهي أركب في حماره
بقلمي @@سيد يوسف مرسي