رباعيات الجهني

الشوق ملاني علي الدوام جسار
أما الخليل بعيد والهوى جبار
لولا الهوى ما يكون للقرب داعي
أنا لو بيدي لسكنتك في قلبي بجواري
أطفى لهيب الشوق ويزيد مقداري
وأقطع كل حبال تحجزك عني بمنشاري
يمشي وتهزني الأوتار
ولو صح الغرام لا ؛تاج شبك ولا سنار
ولا أرسمك علي الحيط صورة
@@@@@

رباعيات
يا خايب وأنت مش داري 
وخيط الطهر فيك مقطوع 
عايش حياتك والجسد عاري 
واالخس فيك  منقوع 
******
ما يحس بالوجع غير اللي شافه 
دا الوجع تحت الضلوع مخلوق 
مايشفي المريض غير اللي كافه 
سيب المرض جو المريض مخنوق 
*********
سيب الفرح لو دق 
وان شاع طبله ومزماره
كتير مايعجبه الغمز والذق
ولقمته حلوه في رمرامه 
********
أبويا قلي أمشي وصاحب 
ولا يبقى صاحبك خيالي 
الصحبه  وللدوام صاحب
طبع الحقير ميبالي
********
النيل عمره ما تخدع 
ولا حد  يقدر يصفع خدوده
طول عمره عايش جدع 
 أصيل وعارف حدوده
********
من جوف الصعيد جندي
ابن جهينه ومراغي
في ساقلته واخميم جدي 
وفي طحطا لينا مراعي 
********
حرمه بفلس وغيرها بالنفيس
دا الزرع عايز التقاوي 
إياك تقضي حياتك كتليس 
وتاخد الرخيصه وتفضل تعاوي

@@




 




رباني أبوي على العز يا ولدي
وعشت في الــــــــــــدنيا كريم
أبويا عربي والطبع فيه بدوي
دايما قليل الأصل للفهم بهيم
*****
داري مواسخك يا جدع واتلم
واردم عـــــــــــــلي اللي فات
قليل الأصل عمره ما يتـــــلم
لو لفوا بيه البلد سبع لفــات
*****
بحر الكلام واسع والفكر فيه بيتوه
أفرد شراعي واطويه وأخاف إنتوه
أروح لقبطاني أنادي ألاقيه معتوه
يا ريت أعرف دليل يوريني الطريق
ولا أبقي بين الناس تايه ومشبوه
*****
عيش في الدنيا وخلي ضميرك حي
الرزق علي الله لا يزيد ولا يقل
وإن عشت عيش ولا تبقي كسير نّي
الصحبة حلوة والكلام الحلو ليه ضي
أحسب حسابك وعد الخطي يا خي
وإن مشاك اللئيم أطرحه بالطي
تعيش وتسلم وتبقي علي الدوام حي
*****
عقل اللبيب في الراس ميزان
والقوله منه تـــــــوزن قبيلة
ما يحكي بفــــارغ ولا مليان
ولا يفر منك في يوم بحــيلة
*****
إحفظ لسانك وصون معاليك
إياك تبيع الكرامة بلــــــقمة
اللقمة بالكرامة تكون ليك
كسر الضهور للرجال نقمة
*****
عبيت حروفي جو كراس واتملت
وقسمتها بين السطور بالتساوي
لقيت كتير من الحروف ما اتملت
وصبحت في الدروب قصة وحكاوي
*****
جدنا كان بطل أسد ومظفر
والراية دايما في يمينه
يحكي التاريخ عن غضنفر
عقبه بن عامر من جهينه
*****
ركب المهور صنعة وفن
والدنيا ما تبقي وراثة
ولا الكلام يصبح عندنا ظن
ولا تبقى الأصول لينا نخا سة
بقلمي @ سيد يوسف مرسي الجهني