يحكى زمان // شعر : سيد يوسف مرسي

يحكى زمان
كان يا كان يُحكى زمان
كان منصوب فالدنيا ميزان
ناصف العاطل والكحيان
قاهر الباطل والجحدان
قال : الراوي بن خلاوي
يروي حكايته وكان عطشان ؟
شد ربابته وصدع الناي
وكحل عينه بكحل دلال
وحمد المولي بكل تمام
وصل وسلم على الهمام
نبينا الخاتم من عدنان
قال الراوي :
كانت الدنيا غير الدنيا
والسكنين أحسن سكان
كان الطير يحوم ويعدي
والسما صافية ماليها زمام
يسيب عشه ويجيب رزقه
ولما يبات يبات شبعان
نفخ الناي والصوت صهلل
وحبس دموعه من السيلان
كانت الوزه أسمها موزه
تمشي مصونة وليها أمان
تشم ريحتها من كام كيلو
ورد مفتح أو ريحان
لما بتخرج تخرج حرمة
بعلها واقف كيف ددبان ؟
لما بتضحك صوتها ما يعلى
ولما بتحكي كيف بَلَسَان
عسل مصفى وشهد زمان
وراح يكمل وصف الحال
نهره جاري من شلال
شهد مكرر للشفيان
تسمع منها وتنعم بيها
وزه وموزه في البستان
كتم الأنة وشبك يده
وحط الصورة قدام عينه
وراح يفند سكان تورا
ويكشف ماضي يقولوا زمان
كانت الحرمة ف بيتها مصونة
حاطة الطرحة وساترة العورة
تطلع تنزل مالهاش صورة
شايله الجرة وعاقصة القورة
لما تغني تسمع عصفورة
شيء رباني :
من غير روج و دهن سوداني
شعر مضفر نازل وسايح
ولما تخطي مهره بترعي
ولما بتجري مهرة في مرمى
أما الفارس عايش وشارح
وخد منور وعطرها فايح
مهرة أصيلة وبعلها فالح
كانت الوزة أسمها موزة
أما اليوم سمها طارح
بقلم // سيد يوسف مرسي

أعجبني
أعجبني
أحببته
هاهاها
واااو
أحزنني
أغضبني