اليوم تاريخ // شعر : محمد العربي

اليوم تاريخ ---
اليوم تاريخ و انكتب
للدنيا و الذكرى
والفكره علشان تعيش
و الناس تكون فاكره
يوماتى بتسمَعه
مهى حافظه و مذاكره
وولادنا حلم و أمل
و هيتولد بكره
و عينيَا تليفزيون
و دماغى برنامج
أوَل م اقوم م النوم
بسمع كلام جامد
و ايديَا ماسكه القلم
وبتكتب الأحداث
اللى حصل فى العمل
و اللى حصل للناس
فيه ناس بتقتل ناس
وناس بتسرق ناس
و ناس تخون بعضها
و ناس تبيع عرضها
و ناس تيآمن لها
واتاريها غداره
كدَابه طول عمرها
ولا أخ ولا جاره
وناس بتكره ناس
و تمللى بتنافق
لاصدق ولا احساس
ولاعمره كان عاشق
بقلمى \ محمد العربى

» جفاكم // شعر : محمد معيط
» بدر البدور في سيدنا محمد // شعر : محمد محضار أبو محضار
» على قلق // شعر : محمد الخدري
» أنا مين // شعر : رفعت شحاته محمد
» يا قدساه // شعر : أ/د. محمد موسي