رحلة طويلة

رحال ؛؛؛؛رحال
يعني بالمدلول جوال
فوق الكتاف 
شايل حموله
وهيه الحمول عند العوام 
يقولوا شوال 
حاطط متاعه
ورابط دماغه
والصره جوه الراس أفكار
الحمل تقيل تقيل
والتقل كتر الحروف 
ونفسه يركب ظهر الحمار
نفسه يحط الرحال
فوق البسيطة
ويختم الموال
يلاقي الطريق متكسره
بحجة التجديد 
بحجة الإعمار
يضرب وجه التراب بالكف
ويسمح وجه الرحيل 
ويطلب الغفران
ويصلي صلاة إجماع وقصر
وينظر شواله
يلاقيه خاوي 
لكن نفسه يكمل المشوار
يطلق نواضره في الخلا
امكن يلاقي معين
أو يقطع المشوار

كل تحياتى وتقديرى

[size=30]بقلم الشاعر / سيد يوسف مرسى[/size]